اهلا بكم فى موقع طلاب كليه الاداب جامعه الاسكندريه

منتدى اداب جامعه الاسكندريهfaculity of arts alexandria university
 
الرئيسيةالبوابةس .و .جبحـثقائمة الاعضاءالمجموعاتالتسجيلدخول

شاطر | 
 

 ماسكات لجميع انواع البشره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
rose2007



عدد الرسائل : 179
الموقع : !! يومنهم وحيجي غيرهم !!
الاوسمه :
تاريخ التسجيل : 18/03/2008

مُساهمةموضوع: ماسكات لجميع انواع البشره   الخميس مارس 27, 2008 5:43 pm


اولا:
الـبــــشـــرة الــعاديـــــــــــة


البشرة العادية دي بقى مريحة خالص لأنها أفضل أنواع البشرة، يعني لا جافة ولا دهنية، بس برضه مايمنعش إنك تدلعي بشرتك شوية وتهتمي بيها، وعلشان كده جبنا لكم شوية ماسكات مخصوص للبشرة العادية..

ماسك الموز بالطماطم



المكونات:
نصف كوب زبادي.
ثمرة موز.
ثمرة طماطم.
عصير نصف ليمونة.

الطريقة:
تخلط هذه المكونات مع بعضها، وبعد كده تحطيها على وشك لمدة ربع ساعة، ثم تغسلي وشك بالماء الدافئ وهتشوفي النتيجة.


ماسك الخيار بعسل النحل



المكونات:
خيارة.
عسل نحل.

الطريقة:
اهرسي الخيارة جيدا في الخلاط وحطي عليها ملعقتين من عسل نحل واخلطيهم جيدا مع بعض، ثم حطي الماسك على وشك لمدة ربع ساعة، ثم اغسلي وشك بالماء الدافئ.


قناع الرده بالبيض



المكونات:
بيضة.
نصف ملعقة صغيرة عصير ليمون.
ملعقتان كبيرتان من الدقيق.

الطريقة:
اخلطي المكونات كلها مع بعضها لغاية ما تبقى على شكل عجينة، وبعد كده حطيها على وشك لمدة ربع ساعة وبعد كده اغسلي وشك بالماء الدافئ.



ماسك الزبادي والبيض



المكونات:
بياض بيضة واحدة.
4 ملاعق كبيرة زبادي.

الطريقة:
اخلطي بياض البيضة مع الزبادي، وبعدين اتركيه على وشك لمدة ربع ساعة، ثم اغسلي وشك بماء دافئ.


ممكن بعد كده إنك تمشِّي قطعة مبللة من المية الباردة على وشك، وعلى فكرة الماسك ده بيغذى البشرة قوي.


ان شاء الله حضيف باقي الماسكات لباقي انواع البشره

_________________



عدل سابقا من قبل rose2007 في الثلاثاء أبريل 29, 2008 2:22 pm عدل 3 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NoDa
Admin


عدد الرسائل : 335
العمر : 30
تاريخ التسجيل : 23/03/2008

مُساهمةموضوع: رد: ماسكات لجميع انواع البشره   الجمعة مارس 28, 2008 2:53 am

الله ينور ياقمر المنتدى
هو دا الكلام ولا بلاش
الواحد محتاج الحاجات دي جامد خصوصا في الصيف بحرة بشمسة بصهده بأسمرارة

يلا يابنات قمراية المنتدى rose جابتلكو اللي تحتاجووه عشان مش تعانووو وتفضلو تدورو
اصل هنا اطلب تلاقي وتلاقي حتى من غير ماتطلب

adabalex مش هتقدر تغمض عنيك Very Happy

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rose2007



عدد الرسائل : 179
الموقع : !! يومنهم وحيجي غيرهم !!
الاوسمه :
تاريخ التسجيل : 18/03/2008

مُساهمةموضوع: رد: ماسكات لجميع انواع البشره   الجمعة مارس 28, 2008 3:30 pm

يلا مش حرماكم من حاجه اهو Laughing

ودي بقي الماسكات بتاعت البشره الجافه

ماسك زيت الزيتون بالبيض



المكونات:
صفار بيضة.
ملعقتان زيت زيتون.
ملعقة دقيق.
ملعقتان لبن طازج.

الطريقة:
اخلطي المكونات دي كلها مع بعضها، وبعد كده حطيها على وشك وسيبيها لمدة ربع ساعة، وبعد كده اغسلي وشك بالماء الدافئ كذا مرة وهتشوفي النتيجة.


ماسك عسل النحل بالخميرة



المكونات:
ملعقة عسل نحل.
ملعقة حليب طازج.
خميرة بيرة.

الطريقة:
اخلطي المكونات السابقة مع بعضها البعض، وبعد كده ضعي الخليط على وشك باستخدام فرشاة، وبعد كده سيبيه على وشك لمدة ربع ساعة، ثم اغسلي وشك بالماء الدافئ أكتر من مرة لغاية ما تلاقي إن الماسك مابقاش له أي أثر على وشك.

وعلى فكرة الماسك ده غير إنه بيفيد البشرة قوي، فهو كمان بيمدها بفيتامين "ب"؛ علشان كده بنلاقي إن كل بيوت التجميل بتستخدمه.




ماسك الكمثرى



المكونات:
ربع ثمرة كمثرى.
بياض بيضة.
نصف ملعقة عسل.

الطريقة:
افرمي الكمثرى جيدا وضيفي إليها خليط من العسل والبيض وامزجي كل المكونات دي مع بعضها وحطيها على وشك لمدة ربع ساعة، ثم اشطفي وشك بالماء الفاتر.

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NoDa
Admin


عدد الرسائل : 335
العمر : 30
تاريخ التسجيل : 23/03/2008

مُساهمةموضوع: رد: ماسكات لجميع انواع البشره   الجمعة مارس 28, 2008 3:32 pm

اللي بشرتو جافة يجرررررررررررررررى على هنا بسرعة
مش بقولكو مش هتقدر تغمض عنيك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rose2007



عدد الرسائل : 179
الموقع : !! يومنهم وحيجي غيرهم !!
الاوسمه :
تاريخ التسجيل : 18/03/2008

مُساهمةموضوع: رد: ماسكات لجميع انواع البشره   السبت مارس 29, 2008 1:01 pm

ادي فايده الاجتماع دعايه واعلان
هههههههههههههههه
ميرسي يانودا ليكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسكندرانى شقى



عدد الرسائل : 359
العمر : 27
تاريخ التسجيل : 24/03/2008

مُساهمةموضوع: رد: ماسكات لجميع انواع البشره   الإثنين مارس 31, 2008 4:02 pm

طيب انا بشرتى دهنية يا ماما مليش دعوه هاتلى الماسك بتاعها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اميرة



عدد الرسائل : 259
العمر : 26
تاريخ التسجيل : 16/03/2008

مُساهمةموضوع: اميرة   الثلاثاء أبريل 01, 2008 12:51 am

ميرسي ليكي ياروزي وانشاء الله هنبقي نجيب ماسك للبشرة الدهنية عشان خاطر الاسكندراني lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NoDa
Admin


عدد الرسائل : 335
العمر : 30
تاريخ التسجيل : 23/03/2008

مُساهمةموضوع: رد: ماسكات لجميع انواع البشره   الثلاثاء أبريل 01, 2008 5:18 am

قناع منظف للبشره الدهنيه:


هذا القناع رائع للبشرة الدهنية فهو يستعمل كمنظف ومقشر للبشرة ويفضل استعماله مرتين في الأسبوع .


المقادير :

بياض بيضة واحدة بدرجة حرارة الغرفة

عصير ليمونة

ملعقة كبيرة من مسحوق الشوفان ( شوربة كويكر )

الطريقة :

نمزج المقادير السابقة مزجا جيدا بواسطة شوكة ونتركها مدة نصف ساعة قبل الاستعمال .

ثم نضع القناع على الوجه ما عدا منطقة العينين ونتركه على البشرة مدة 15 دقيقة وبعد ذلك نزيله بغسله بالماء الدافئ وبحركة دائرية .

* ملاحظة يمكنة حفظ ما تبقى من المزيج في الثلاجة الى 3 أيام وبذلك يمكنك تحضير هذا القناع اسبوعيا وفي كل أسبوع يستعمل مرتين .

قناع منظف و مزيل للخلايا الميته:


خميرة بيره +عصيرليمونه+دقيق الشوفان(الكويكر)
يمزج ويترك على البشره لمدة عشر دقائق ثم يغسل
بالماء والصابون ويمسح باالمنظف وماء الورد0
هذا القناع منظف للبشره ومزيل للخلايا الميته0

تنظيف البشره الدهنيه:

لتنظيف البشرة الدهنية وتقشيرها اليك هذه الطريقة الممتازة والمجربة .

ملعقة من زيت الحبة السوداء

ملعقة من خل التفاح .

يخلط المزيج حتى يصبح كريمي وبعد ذلك يوضع بقطنة على الوجه واذا احببت ان تصنعي منه مساج اي تدلكي به البشرة فلا مانع من ذلك , واتركيه ربع ساعة على الوجه ومن بعد ذلك اشطفيه جيدا . ستجدي ان البشرة وخاصة اذا كانت مليئة بالحبوب بدات تتقشر .

لا تلعبي بالحبوب واتركيها تجف .
استعملي هذا الخليط على الحبوب بعد ذلك لمنعها من الظهور .



منظف البرتقال والزبادي علاج ممتاز للرؤوس السوداء:


منظّف البرتقال والزبادي علاج ممتاز للرؤوس السوداء والبشرة الدهنية :
المكونات :
ـ 2|1 و 1 ملعقة كبيره من الزبادي.
ـ 1 ملعقة كبيرة من قشر البرتقال المبشور.
ـ 1 ملعقة كبيرة زيت عُصفُر.
ـ 1 ملعقة كبيرة مطحون الشوفان
التحضير والاستعمال :
تُخلط المكونات جميعها ببعضها البعض لعمل عجينة.
تستخدم هذه العجينة في عمل تدليك للبشرة بأطراف الأصابع في حركة دائرية ، مع تجنب المناطق الرقيقة تحت العينين.. ويستمر التدليك لحوالي 5 دقائق.. ثم يشطف الوجه بالماء الفاتر ، ويُجفف.
يعتبر هذا المستحضر من المنظفات القوية للبشرة ومن العلاجات الفعّالة للغاية في التخلص من الرؤوس السوداء التي تظهر بالبشرة الدهنية.
وهو يستخدم بمعدل مرة واحدة يومياً بالنسبة للبشرة الدهنية.. أما لأنواع البشرات الاُخرى ـ أي العادية والجافة ـ فيكفى استخدامه مرتين اُسبوعياً


قناع اللبن بالدقيق لتفتيح البشره:


قناع اللبن بالدقبق:
يستخدم هذا القناع لتبيض البشرة العادية و الدهنية فقط .
دون البشرة الحساسة او الرقيقة ، و يتكون هذا القناع من 3 ملاعق دقيق نقى و كمية مناسبة من لبن الحليب الطازج و عصير ليمونة واحدة

و تضاف هذه المكونات الى بعضها و تخلط خلط جيد الى ان تتكون عجينة لينة يتم وضعها على البشرة و يترك هذا القناع على البشرة لمدة 20دقيقة ثم يزال بالماء الدافىء


قناع العسل مع الجزر وبياض البيض:

ملقعه عسل + ملعقه عصير جزر + بياض بيضه ) تخلط جيدا

وتوضع على الوجه لمده 25 دقيقه ثم يغسل بالماء الفاتر فقط

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rose2007



عدد الرسائل : 179
الموقع : !! يومنهم وحيجي غيرهم !!
الاوسمه :
تاريخ التسجيل : 18/03/2008

مُساهمةموضوع: رد: ماسكات لجميع انواع البشره   الثلاثاء أبريل 01, 2008 1:22 pm

ميرسي علي مشاركتك يانودا
وانا كنت حضيف ماسكات للبشره الدهنيه
يلا كلنا واحد
وهي دي الماسكات

*******البشرة الدهنيه********

ماسك الطماطم



وطبعا مفيش بيت مافيهوش طماطم، وهتسأليني وتقولي ليه الطماطم بالذات؟ هاقول ليك علشان الطماطم بتتميز بمفعولها القابض للبشرة. وبكده يمكن الاعتماد عليها في تضييق مسام الوجه.


المكونات:
ثمره طماطم.
قشر نصف ليمونة.
عصير ليمون.

الطريقة :
اهرسي ثمرة الطماطم وضيفي إليها بشر قشر الليمون وعصير الليمون.
وبعد كده حطي الماسك على وشك لمدة ربع ساعة، ثم اشطفي وشك بعد كده بالماء الفاتر.



ماسك الردة



المكونات:
ردة.
ماء ورد.

الطريقة:
ضيفي ماء الورد إلى الردة لغاية لما تلاقيها أصبحت على شكل عجينة لينة.. حطيها على وشك ورقبتك لمدة ربع ساعة.

بعد مرور ربع ساعة افركي هذا الخليط من على وشك بس خلّي بالك إن عملية الفرك دي تكون بلطف.

وميزة القناع ده إنه بيقضى على الخلايا الدهنية الميتة وبيعمل على إزالة الدهون الزائدة من على البشرة، وكمان بيكون له تأثير واضح في إزالة التهابات البشرة وتلطيفها.

ده بالإضافة إلى أن ماء الورد بيضفي على البشرة انتعاش وتلطيف ورائحة جميلة قوى.. أكيد لما تجربيه هتشعري بده.




ماسك شرائح الخيار



وده بيعتبر من أسهل أنواع الماسكات وهو عبارة عن إنك تقطعي شرائح الخيار وتغطي بيها وجهك لمدة ربع ساعة، وبعد كده شيليها واغسلي وجهك بالماء الدافئ اللي مضاف إليه ماء الورد وهتشوفي النتيجة بنفسك.




ماسك الخميرة



المكونات:
خميرة بيرة (هتجيبيها من عند أي فرن أو حلواني).
ماء ورد.


الطريقة:
اخلطي الخميرة البيرة مع ماء الورد، بس خلّي بالك إنك تحصلي على قوام غليظ يشبه العجينة، وادهني بيها وشك ورقبتك على الأقل لمدة ربع ساعة.

وبعد كده اشطفي وشك بالماء الدافئ كذا مرة لغاية ما تتأكدي إنه مافيش أي أثر للخميرة على وشك..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ماسكات لجميع انواع البشره
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم فى موقع طلاب كليه الاداب جامعه الاسكندريه :: الفئة الأولى :: قسم اجتماع :: اميرات المنتدى :: العنايه بالبشره-
انتقل الى: