اهلا بكم فى موقع طلاب كليه الاداب جامعه الاسكندريه

منتدى اداب جامعه الاسكندريهfaculity of arts alexandria university
 
الرئيسيةالبوابةس .و .جبحـثقائمة الاعضاءالمجموعاتالتسجيلدخول

شاطر | 
 

 المشهد الاول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميدو



عدد الرسائل : 22
احترامك لقوانين المنتدى :
الاوسمه :
تاريخ التسجيل : 20/03/2008

مُساهمةموضوع: المشهد الاول   الخميس أبريل 03, 2008 3:06 am

محمد شاب زى اى شاب اتخرج من الجامعة واشتغل بيصحى كل يوم يروح شغله يرجع يقعد مع صحابه ضحك،خروج هزار،شاب وبيعيش سنه لغاية ما فى يوم كان عنده مشوار،قام الصبح لبس هدومه وخد حاجاته ونزل ،ركب المترو_اخيرا لقى كرسي فاضى ،غريبه اوى اول مرة تحصل، حتى هو استغرب،فتح كتاب وقعد يقرا، فاتت محطة وفاتت التانية والتالتة دخلت مجموعة كبيرة فيهم بنت رقيقة شكلها مستعجلة اوى بس ملامحها هادية بص حواليه مالقاش مكان فاضى و

هو:تعالى يا انسة اتفضلى اقعدى
هى:ميرسي

وسع يا استاذ لو سمحت شوية خلى الانسة تقعد

هى:انا اسفة اوى انى قومتك ممكن تدينى الحاجات اللى شايلها اشيلهالك

هو:بس كدة هتعبك

هى:لا لا مفيش حاجة

طيب خدى الكتب دى وانا هشيل اللاب توب

خدتهم وحطت كتبها فوقيهم، هو طبعا بفضول تقليدى بص على الكتب يشوف هى ايه لاقاها كلها بالانجليزى و.............

هو: انتى كليه ايه

هى: انا اداب انجليزى

هو:امممممم هايل ف سنة كام بقا؟ على فكرة انا خلصت تجارة من سنتين

هى: وانتا بتسأل ليه؟

هو:لا عادى يعنى اصلى شايفك رايحة الجامعة بدرى و مستعجلة زى بتوع سنة اولى بس الكتب بتقول غير كدة

هى: امال بتقول ايه الكتب ؟

هو:انتى شايلة كذا كتاب وشكلهم مكلكع اوى على سنة اولى-ابتسامة

هى:لا ابدا دى اصلا روايات مش كتب عشان كدة حجمها كبير

هو:معقول انتى مهتمة بالقراية؟؟ قليل اوى البنات اللى بتحب القراية

هى:لا دى روايات بدرسها بس اه انا بحب القراية

هو:انا كنت زمان غاوى بس خلاص بقا من بعد الجامعة والواحد اشتغل وما بقاش فاضى
الا صحيح انتى اسمك ايه؟؟

هى:نعم ليه يعنى يهمك ف ايه؟

هو:لا يعنى انا اسف لو ضايقتك بس يا ريت اعرف

هى :يعنى انتا بتقول شفت الكتب اعتقد الاسم قدامك كمان

هو: ايه ده معلش العتب على النظر
بس اسمك جميل اوى يا سوسن ،انا محمد المصري،فرصة سعيدة اوى

هى:امممم انا كمان

هو:ممكن سؤال

هى:اتفضل


هو : انتي بتقعدي في كافتريا ايه في الجامعه ؟

هي : مش بقعد ف كافتيريات

هو : ليه امال بتقعدي فين بين المحاضرات

هي : بقعد ورا مبنى القسم بتاعى مع صحباتى

هي :هو في بنات لسه كده ده البنات بقت تشيش دلوقتي

هي : نعم ... طيب عن اذنك عشان محطة الجامعة جت
هو : طيب بس ثانية واحده يا ....يا انسه


هي : نعم اتفضل

هو : ممكن نمرة الموبايل لو مفيهاش احراج انا بجد مبسوط اني اتعرفت عليكي وياريت نبقي اصحاب

هي : بس انا مش عايزة نبقى صحاب انتا قومت وقعدتنى وانا متشكرة اوى وخلاص
هو :ليه بس كده انا والله مقصدش اضايقك
بس بجد انتي انسانه رقيقه ويهمني نبقي اصحاب
صدقيني حتكسبي صديق كويس

هي :لا ما ينفعش
هو : خلاص براحتك ... انا اسف لو ازعجتك واتمني ان الفرصة دي تتكرر تاني
ممكن اقول لااله الا الله ولا حتضايقي برده

هي :لا انا مش متضايقة محمد رسول الله
هو :ميرسي بجد وفرصة سعيده اوي ، باااي
هي : باى


انشاء الله المشهد التانى حيكون اريب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسكندرانى شقى



عدد الرسائل : 359
العمر : 28
تاريخ التسجيل : 24/03/2008

مُساهمةموضوع: رد: المشهد الاول   الخميس أبريل 03, 2008 3:37 am

حلوة اوى القصة دى فيها رخامة من محمد كتيربس لزيزة اهى حاجة خرجتنى من العياط اللى كان ملزمنى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المشهد الاول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم فى موقع طلاب كليه الاداب جامعه الاسكندريه :: الفئة الأولى :: منتدى المشاغبين-
انتقل الى: