اهلا بكم فى موقع طلاب كليه الاداب جامعه الاسكندريه

منتدى اداب جامعه الاسكندريهfaculity of arts alexandria university
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 آخر كلام !! ... بجد ميفوتكش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
AyoooooyA

avatar

عدد الرسائل : 21
العمر : 28
الموقع : عايزه افرح و ارقص و ادحك يا ناس هيه دنيا و بنعشها مره و خلاص
الاوسمه :
تاريخ التسجيل : 17/03/2008

مُساهمةموضوع: آخر كلام !! ... بجد ميفوتكش   الإثنين مارس 31, 2008 12:47 pm

أخر كلام

بأه ده كلام ..!؟ معقوله الحكومة الكويتية تستقيل و ينحل البرلمان عشان مش عارفين يسيطرو على الغلاءا....!!!
الحمدلله إن الحكومة عندنا عمرها مابتستقيل لا علشان غلاء ... ولا عشان صفاء ... ! حكومتنا زى الملامين ..جامد و متين ..!!




*آخر التصريحات المفتكسة لوزير العيش و الملح هى انه ( بيطالب ) بصيغة جديده لحماية الفقراء و محدودى الدخل ... !

يعنى معالية ناسي خالص انه وزير , و انه مسئول عن التنفيذ و ( بيطالب ) زى ماحنا ( بنطالب ) بالظبط بحماية الققراء , و كأن المسئول عن ده و زير تانى خالص فى حموكه تانيه خالص فى بلد تانيه خالص ..!

ربنا يبارك لنا فى وزير العيش و الملح و فى حكومه ( موزمبيئ ) ..!!





*بالمناسبة .. آخر ( افتكاسات ) وزير الشفا من عند الله هى تأكيده على ان هناك آلية جديده لتوزيع الدواء... بالبريد السريع ..!!

بالبريد السريع حته واحده ...!!

يا لزيز يا رايق !




*مليون تحية لمجدى قبيصي محافظ الفيوم الذى الغى الاحتفالات بالعيد القومى للمحافظة ووجه المبالغ المخخصه لذلك لدعم اسعار اللحوم ..!

برافو قبيصي و عقبال باقى المحافظين يارب..!




*تبت ..و انبت ... و عرفت ان الله حق ..!!

فمسؤلو شركة الاتصالات , الله يسترهم , استجابو بسرعة لما كتبتة عن تليفونى اللى بيستقبل تليفونات من ناس مانعرفهاش اشكال و الوان .. و على رأسهم ( طنط فيفي ) ..!

و ياريتهم ماستجابو ..!!

واحد محترم اتصل بيا على المحمول من كتب رئيس القطاع فى سنترال نصر واحد , طالباً منى أن ارسل له فاكس بطلب تغيير الرقم على حسابي ... قلت ماشي ...!

بعدها بساعات اتصل بيا مدير السنترال نصر اربعه على المحمول مكذباً ان هناك مضايقات من اصله ... ثم وعدنى بحل المشكلة بعد تلت اسابيع ... !!

فى نفس اليوم اتصلو بأسرتى فى البيت مكذبين حكاية الاتصالات الغريبة .. و مستنكرين ما كتبته .. و اخدو يحللون لآسرتى الاسباب المحتمله للمشكلة .. !!

يا بشمهندش عقيل بشير .. أرجوك انا مش عايز اغير تليفونى .. و حرّمت اعمل كده تانى !! اما بالنسبه ( لطنط فيفي ) فقد قررنا ان نصاحبها .. و هانزورها فى بيتها كمان ... – بالعند فيكم – و هاناخد لها معانا ( زيارة ) : كيسين جوافة بلدى .. و كيلو بلح إبريمي و نص كيلو ( أسطى افندى ) خلاص ارتحتم .. !!




· إيه كل الغرور ده ...!؟

فمانويل جوزية بيتريق حضرتة و بيقول ان الاهلى هايخسر الدورى فى حاله واحده بس هى ان يموت اللاعبين و الجهاز الفنى كله ..!!

ايه الخفه و الظرف ده .. !! يا عم جوزية قليل من التواضع لا يضر ... و بعدين الاهلى حتى لو دربة الواد عبده سحلية زينه لعيبه الكوره الشراب فى درب شغلان .. هايفوز برده بالدورى ... جرب كده .. !!



كلمه و رد غطاها :

شوفت بأه ...!؟ حته فى عيد الام بيكرمو أسر لعيبه منتخب كوره القدم ..!

الرحمه يااااااارب ....


محسن حسين ... مجله اكتوبر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مصطفى الملا

avatar

عدد الرسائل : 273
العمر : 29
الموقع : عروس البحر المتوسط
الاوسمه :
تاريخ التسجيل : 20/03/2008

مُساهمةموضوع: رد: آخر كلام !! ... بجد ميفوتكش   الإثنين مارس 31, 2008 3:06 pm

بجد الله ينور عليك

وياريت نكتّر من المشاركات فى المنتدى السياسى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد الرسائل : 611
العمر : 28
الاوسمه :
تاريخ التسجيل : 08/03/2008

مُساهمةموضوع: رد: آخر كلام !! ... بجد ميفوتكش   الثلاثاء أبريل 01, 2008 9:59 am

الله اكبر

هيا دى مصر

ربنا يخليلنا بابا مبارك وماما سوزان
والاولاد
وولاد العم هريدى الضو
وعلى وحسنين
وهيكل ونظيف
وكل الاهل والاحباب
وعاوز اسمع اغنيه
تعاليلى ياماااااااااااااااااا

_________________


Pablo Picasso. Breakfast of a Blind Man. 1903. Oil on canvas. The Metropolitan Museum of Art, New York, USA
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://adabalex.montadalhilal.com
اسكندرانى شقى

avatar

عدد الرسائل : 359
العمر : 28
تاريخ التسجيل : 24/03/2008

مُساهمةموضوع: رد: آخر كلام !! ... بجد ميفوتكش   الإثنين مايو 26, 2008 4:55 am

الله يخرب بيتك يا اية حتودى نفسك فى داهية المهم لو اتمسكتى انا معرفكيش ولا عمرى شوفتك ولا اتكلمنا مع بعض قبل كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
آخر كلام !! ... بجد ميفوتكش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم فى موقع طلاب كليه الاداب جامعه الاسكندريه :: الفئة الأولى :: قسم اجتماع :: الفكر والمفكرين :: سياسه-
انتقل الى: